饒河夜市

去咗台灣幾日，日日都有雨落，當地人話六月份係梅雨天，日日都會落雨。

呢日食完個超級份量嘅午餐，我哋就返酒店，執好行李，要坐車去台北啦。我哋住嘅酒店喺台北車站對面，樓下係地下街。

呢晚嘅晚餐喺地下街food court解决，其實都唔易選擇，因為樣樣都想試吓。食完飯，喺地下街行吓，幫助消化，因為跟住我哋要去饒河夜市，又再食過，食咗胡椒餅，牛肉粒，藥燉排骨，飲埋苦瓜汁，唔可以話係掃街，樣樣試少少咋。