添好運

上個月我喺香港嘅幾姊妹同埋姨甥女話喺六月頭幾家人會去台灣旅行，叫我哋一齊去。機會難逢，我梗唔想錯過。

我幾個月前已經安排好西岸國家公園之旅，好彩同屋企人去台灣嘅日子無撞期。不過喺西岸返嚟兩日就要馬上飛香港，好怱忙，喺香港留咗兩日，就飛台灣同屋企人展開一個難得嘅大旅行。

二十五年來我第一次喺香港過六四。朝早我同寶貝仔去添好運食點心，我哋最愛酥皮焗义燒包，一碟都唔夠，仲要再叫多碟。之後我同佢去六四紀念館，雖然佢唔識睇中文，但都讀過呢段歷史，知道崛起大國嘅背後，曾經有一件如此不濟嘅往事。