健身室

終於搬咗屋喇！面對四十多個紙皮箱，只可以慢慢嚟。大屋搬细屋，唔見一籮穀，我同我老公都唔係鍾意儲物嘅人，由其係我老公，成日掉嘢，所以我啲朋友成日話我屋企乾淨企理，硬係企理喇，佢一日都鍾意掉嘢，乜都俾佢掉哂喇！

其實我哋真係好少嘢。最近我有個朋友搬屋，佢單身一個人有八十幾箱嘢，佢有啲衫廾幾年仲留係度。我亦去過一個朋友屋企，張飯檯係放滿雜物，無一吋空間，唔知佢一家六口喺邊度食飯嘅呢？

新屋呢度有會所，全新嘅健身室無人用，我唸我無藉口唔做運動嘞，等我執好間屋，過埋聖誕，新嘅一年，就開始好好利用呢個健身室。