自助餐

而家係旅遊旺季，工作忙到不得了，日日放工返到屋企都散咁滯，今日做冬就唔煮飯喇，好耐無去食自助餐，今次試新嘢，去咗法拉盛嘅NoriNori。其實我哋呢度都唔覺有人做冬嘅，好彩我屋企人whatsapp俾我睇佢哋做節，好熱鬧架。

呢間自助餐都唔係好多嘢食，不過再多都唔食得咁多。有人喺度即場開生蠔同蜆，夠哂新鮮。今晚我食咗生蠔，蜆同蟹腳，加上甜品，都好滿足嘞。熱菜有好多種魚，其中銀雪魚最好味。

雖然呢餐無食過肉，不過都好飽喎。