相信有唔少人都鍾意濕平,呢個真係老幼咸宜,豐儉由人嘅玩意。以前香港係購物天堂,但呢幾年香港啲嘢貴咗好多,而美國呢十幾廾年又流行outlet, 如果唔係要追住流行款式,好多時都會搵到又平又靚嘅嘢。
我住喺呢度咁耐,去 outlet 濕平已經唔再係我杯茶,不過每年總有唔少親戚朋友嚟紐約玩或者出差,去濕平已經係指定節目,個個都買到興高采烈,滿載而歸。
妹夫喺暑假時候嚟過出差,路經麥迪遜大道,睇見 J Crew 有樣板展銷,佢從未去過,約我第二日去行吓。其實喺曼克頓,好多時都有樣板展銷,我上個星期至有朋友問我要唔要 Ralph Lauren 樣板展銷嘅入場券,唔去喇,一來要返工,二來要出城咁遠,三來人到中年,著乜都唔好睇,失去咗買衫嘅興趣好耐嘞。
講番 J Crew 樣板展銷先,去到嗰日原來係最後一日,全部再半價,不過好多人,要排隊,我同妹夫買杯嘢飲,傾吓偈,排咗半個鐘頭就入到去喇。揀咗啲裙同埋鞋俾我細妹,馬上 whatsapp 問佢啱唔啱,呢條藍色裙喺 J Crew 網站仲有得賣,對藍色有蝴蝶結嘅鞋喺正舗仲賣緊。因爲再有半價,每條裙同每對鞋都係三十蚊,我妹仲話:點解唔同我買多啲?
越洋購物都可以咁開心嘅?
D款真係唔錯呀
ReplyDelete我好鍾意啲鞋呀!
Delete收穫豐富呀!犀利,唔駛自己出馬都買了不少,可以越洋遙距購物好爽 @^_^@
ReplyDelete唔止咁少架,仲有啲好普通嘅 T恤同埋褲添,喺 whatsapp 玩得好開心。
Delete我做呢行又喺 fashion district 返工,收好多 sample sale 線報架。今日有 Bulgari sample sale喎,你有無興趣?
ReplyDelete而家番緊工喇,如果你見有好嘢可以whatsapp我呀。
Delete嘩,好在我唔係住NY,唔係破產都似!
Delete好在我唔喺係Lala附近返工,成日都有sample sale,真係好容易破産。
Deletesample sales 未必有我size 所以唔會去。 在紐約我地會去woodbury outlet。 買得好開心架。
ReplyDelete好多歐洲遊客攞住個旅行噫去 Woodbury 濕平架。
Delete在美國購物開心過加拿大好多!
ReplyDelete仲要係家姐+老公買嘅,人哋阿妹/老婆真幸福啊!
我以前住多倫多嘅時候就去 Buffalo 濕平。
Delete我妹同我妹夫次次同我去濕平都玩到好高興架。
裙同鞋我都好鐘意架,我地style咁似既:p
ReplyDelete我揀俾我細妹架,兩條裙我都鍾意,不過唔啱著。
Delete真係買得開心
ReplyDelete喺紐約買嘢係好開心架,豐儉由人,個個嚟到都鍾意去。
Delete鞋款好靚,I like it^^
ReplyDelete我都鍾意平底鞋,呢幾對幾靚。
DeleteBlack Friday is coming... heheheh
ReplyDelete我星期五要返工呀,冇得趁熱鬧添.
Delete