不勞而獲

呢日去咗朋友屋企，少不免要送我農作物。今年節瓜無踪無影，苦瓜有幾條，原來有花就將會有瓜，人哋咁有心機種，唔想攞太多，就要咗一條苦瓜兩個番茄好嘞。

去到教會，教友又送我通菜，好翠綠嘅通菜呀，正好當晚有小組聚會，就煮埋帶去，另外煮咗香橙骨，呢晚我係一家兩菜呢。

小組成員之一係台灣人，佢整嘅芋頭糖水同我哋嘅唔同，佢將成個芋頭放入煲內煮兩個鐘頭，另外加入糖水就成，食時就一大塊芋頭咁食，不過我都係鍾意椰汁芋頭西米露多啲。