上海鼎泰豐

去到上海，朋友問：你想食乜嘢？中餐定西餐？我話梗係食中餐喇。呢嗰下晝就嚟咗鼎泰豐。原來上海D餐廳好多人排隊，呢間亦不例外，不過朋友係熟客，所以都唔係等好耐。

我只係去過台北嘅鼎泰豐，連香港嗰間都未去過，睇睇餐牌上嘅介紹，全世界好多地方都有分店，包括西雅圖同埋洛杉機，點解紐約無嘅？

咁好食嘅嘢，睇番都好回味。除咗小籠包，最好食嘅係酒釀丸子，粒湯丸入面係芝麻。本來我唔多鍾意食白色皮嘅蒸包，不過呢個芝麻包又好好食。

食飽之後，就喺新天地附近行吓街，見到有人喺間餐廳門前擺佈景板，大家睇吓，呢嗰百日宴嘅主角叫做鑽石呀！唔通佢老豆賣鑽石，唸住揾嗰仔做生招牌？