蓮香居

其實我呢兩三年返得香港都好密，但我呢位朋友都仲當我係遊客，呢日佢要同我去蓮香居飲茶，懷舊一吓。

上到去真係同細個去嗰啲茶樓一樣，好多人，要等位，都唔知幾耐未試過企喺人哋後面等人食完埋單，好不容易至有位坐低，叫啲懷舊點心食吓先，有豬肚燒賣，蝦醬鮮魷，我哋兩個人都幾食得，仲要每人食番碗甜品臭草綠豆沙添。

食得飽飽，行吓海味街，坐吓叮叮，又係愉快嘅一日。