回歸

返香港過年，留咗十日，天氣和暖，只係臨走嗰兩日有微雨，天氣亦轉凉至十度以下，但我覺得不知幾舒服。迎接我返屋企嘅係白茫茫嘅跑道同埋機長報告温度係零下七度。不過我又覺得賺咗噃，過去十日，我已經避過咗兩場雪。

本來今次留喺香港咁多日，好想去澳門行一轉，不過我呢個想法，無乜人認同，都話太多人，唔想貼錢買難受。

日日都係同屋企人或者朋友一齊，享受香港過年嘅熱鬧氣氛。年初一就去咗翠華食早餐，太耐冇喺香港過年，都唔記得啲餐廳有收加一嘅添。