下午茶

呢日朋友們約咗嚟呢間名貴大酒店嘅一百零幾樓飲下午茶，佢哋有所不知，我喺呢邊住咗咁耐，唔係好慣去啲咁名貴嘅地方架。雖然係唔多慣，但都好享受朋友們嘅熱情，坐得舒舒服服，睇住香港景色，傾番夠本。

連啲下午茶點都名貴過人，有燕窩架。不過可能係我唔識欣賞，覺得味道無乜特别。

一把年紀，識得耐嘅朋友都有唔同際遇，難得坐埋一齊，講吓過去，講吓未來，咁就過咗幾十年喇。