澳門一

六個女人，終於等到仔女大晒嘅一日(其實唔係好大，最細嗰個得十八歲)，約埋去玩番幾日。

我上次去澳門，已經係八，九年前嘅事，印象仍停留在葡京賭場嘅煙霧迷漫，似走咗入古惑仔電影裏面一樣。

香港老友早已編好行程，一落船，見各賭場嘅專車佔據成個碼頭，我哋上咗去葡京嗰部車，午餐喺四五六用餐，特别嘅有原隻鮑魚酥，龍蝦酥，好豪嘅點心喎，好好食，但豆漿油條都一樣咁好食。