我哋嘅套票包括有每二人四百蚊餐飲券,又有變形金剛展覽入場券。到咗酒店,為咗要用啲餐飲券,就嚟呢度high tea,件藍莓蛋糕好靚,味道唔錯,不過呢餐用唔哂千二蚊噃。
又為咗要用啲變形金剛入場券,幾個女人就去咗睇細路仔嘅展覽。喜來登酒店好大,就行嚟行去参觀埋酒店添。
到咗晚飯時間,導遊老友揀咗六棉酒家,我一早聽聞有杏汁豬肺湯就萬分期待,唸起細路仔時最鍾意睇阿媽洗豬肺,睇住個豬肺吹水脹起,放水縮番細,來來回回,情景喺個小腦袋停留到而家。
飯後番酒店經過賭場,同以前舊葡京年代好唔同。姊妹們派我做代表同何生玩番兩舖,我亦不負眾望為大家贏到啲杏仁餅手信番嚟,皆大歡喜。
飯後番酒店經過賭場,同以前舊葡京年代好唔同。姊妹們派我做代表同何生玩番兩舖,我亦不負眾望為大家贏到啲杏仁餅手信番嚟,皆大歡喜。
你叻叻,我輸左呀
ReplyDelete我今次叻在玩兩舖就起身,赢少少都係赢,好彩。
Deletegood job !
Delete爛賭形象唔係幾好呢!
Delete件蛋糕好搞野.
ReplyDelete0靚仔野唔睇都吧啦 , 入場劵一定要用架 ?
有嬴多少都好呀 , 仲夠手信,簡直抵啦 !!
我哋仲研究件餅啲花同蝴蝶係乜嚟,問伙記佢話成件餅樣樣都食得架。
Delete有人想睇嘛,當行吓間酒店啦,好大間喎。
係呀,至在玩吓,嬴少少都好開心喇。
蝴蝶咪翻糖上用轉印紙囉^^
Delete入場劵我就一定用. 唔好蝕俾佢嘛.
ReplyDelete入場券一百蚊張架,話要睇嗰兩個姊妹梗係有你呢個心態嘞。
Delete一場嚟到~~~點都要玩番兩舖呢~~~
ReplyDelete澳門食嘢,真唔錯!
姊妹們就係咁講,話嚟到要玩吓個喎。
Delete好多嘢食,豐儉由人。
去睇變形金剛展,如果比我個七歲嘅甥仔知道實羨慕C囉!
ReplyDelete我好大鄉里,未飲過呢個湯,不過睇妳形容都知道加埋童年回憶令個湯更滋味。
裏面有得玩添架,細路仔實鍾意。
Delete洗豬肺咁多功夫,唔係咁多酒樓有呢個湯,我就梗係童年回憶最滋味啦。
你的姊妹對你很信任呢
ReplyDelete柴娃娃人人夾少少錢玩吓,又笑餐飽。
DeleteWin幾多盒杏仁餅返嚟呀?
ReplyDelete嘻嘻,每人可得五盒杏仁餅,不過我要左咀香園蛋白蛋卷。
Delete即係贏咗幾多jek = )
ReplyDelete豬肺湯呢度無得飲(應該係有我都唔敢飲),返去年度過去年要飲多幾次!
每人赢港纸二百蚊,夠買杏仁餅啦。
Delete你番去都可以去澳門玩吓食吓嘢。
過澳門真係好多嘢食, 生活節奏都慢一D, 呢家澳門太多遊客, 真係又D怕怕...
ReplyDelete去氹仔嗰邊都唔算太多人,悠悠閒食吓行吓幾寫意架。
Delete我都記得細個時睇住媽咪洗豬肺, 覺得好好玩架, 不過依家叫我洗的話, 我會覺得核突.
ReplyDelete真好嘞,有你知我講乜嘢,細個嗰陣睇住個豬肺吹到咁大覺得好神奇。我唔怕核突嘢架,不過我呢度無得賣。
Delete