Kiki餐廳

食唔成鼎泰豐，都要揾過第二間食晚飯架。坐幾個捷運站到誠品信義店，樓上有間Kiki，食川菜嘅，唔係好明個店名點嚟唧。

入到去餐廳，伙記話可以俾我哋一間獨立房，打開菜單見有套餐，有四人，六人，八人同埋十人，我哋話要一個六人，一個八人，但個伙記話唔好喎，要個十人餐得嘞。我哋呢日有十四人，仲有幾個十幾廾歲嘅大食仔添，不過伙記話得就得喇，最多唔夠再加。

最後我哋食到飽哂都唔駛加餸，當時無乜留意，但而家數吓有十幾碟餸菜，仲要好好味架，最正係嗰碟老皮嫩肉，滑滑嘅豆腐。喺台灣消費，可能仲平過大陸呀！

題外話：我哋坐捷運，走去服務台問方向，點知服務員好週到，又幫我哋出團體票，仲有八折，幾好服務呀！

口水雞

蒼蠅頭

紅燒肉

五更腸旺

豆醬鱈魚

老皮嫩肉

五香豬手

海鮮小炒

茄子煲

水煮牛肉

鹵蛋

芝麻蝦

苦瓜湯