北京酸奶

有時逛超市見到有乜嘢新介紹都會睇吓，覺得吸引都會買，今次俾我見到北京酸奶，仲係美國製造，雖然價錢比一般乳酪貴好多，但未致於買唔起，一於買幾盒返嚟睇吓可唔可以揾到北京的味道及回憶。

第一次坐飛機是從廣州去北京，三十多年前的北京是怎樣的是可以想像，那是物質貧伐的年代。當我在街中見到有酸奶賣，覺得很新奇，一試之後更愛上它，後來好像係廣州再飲過，不過就不及在北京時的印象深刻。

今年初去了北京一趟，同朋友行街時見到有酸奶賣，我嘩一聲叫，好開心，當然想買番樽食，點知俾我朋友撥冷水話佢住喺北京，從來唔會喺街邊買嘢食，唔想揾自已較飛，俾佢咁講，我唯有聽話喇，唔通我想揾自已較飛咩？

今次喺美國食到北京酸奶，味道跟記憶中是一樣的，係咪好開心呢！