我哋一家三口啱啱去咗Arizona 同埋 Utah 四個國家公園返嚟。幾個月前我哋商量今年渡假嘅地點,我唸應該趁我仲行得去吓啲國家公園,舊年我同啲朋友去首爾玩時,有兩個都唔行得,行幾個街口已經話腳痛,佢哋大我幾年咋。
終於揀咗一個四天四個國家公園嘅團,呢個團喺拉斯維加斯接我哋,咁我哋就早一日到咗呢個罪惡之城。其實我哋去過呢個地方都唔知幾多次,寶貝仔當時仲好細個,不過佢都記得嚟過,詳細情形就無謂提佢啦。
每年Memorial Day 長假期,都係NBA籃球進入決賽嘅時候,呢晚我家兩個籃球迷就寧願喺房食pizza飲啤酒睇波,都唔願出去。到我哋去完個團再返嚟住多一晚,至出去食番個自助餐。我揀咗Planet Hollywood, 個 prime rib 最正,其他就分區域,有亞洲,墨西哥,中東,意大利,當然少不了甜品。
賭城有一個buffet deal, US$49.99 可以在七間餐廳二十四小時內任食自助餐,寶貝仔話有興趣,叫我哋下次再嚟喎。仔,你有興趣啫,我無噃。
幾個街口都腳痛,係咪足底筋膜炎呀?要睇物理治療盡早根治喎!
ReplyDelete24小時任食即好似郵輪咁,但都係唔食得幾多啦.
佢兩個都係健碩人士,唔知係咪太重壓住對腳呢?
Delete24小時内任食俾啲後生仔就得,俾我就怕食滯嘞。
你朋友係咪少行, 所以唔行得呢?
ReplyDelete我都食過一次呢D buffet, 要24小時係咁食, 都唔好攪我呢
我估佢哋太重,要减肥。
Delete自助餐耐唔耐食一餐還可以,一日食足三餐太多嘞。
在LV 最好睇就是賭場自己的 show, 想當年我地一晚可以走幾間架。
ReplyDeleteDavid Copperfield做咗咁耐仲做緊。想當年我地都係睇好多show呢。
Delete二十四小時內任食>> 食唔得幾多喎, 未必回本.
ReplyDelete食一餐都飽晒,點食得咁多。
Delete年輕力壯去旅行,行得食得當然好,
ReplyDelete無奈要為生活奔波呢!
最緊要身體健康至有得玩。
Delete食物分區域幾好,口味變化較多,比較不容易膩。
ReplyDelete但如果早餐太豐盛,中午都不覺得餓喎!
呢個自助餐都幾多選擇。
Delete見到啲食物。。。唔怪得係罪惡之城。
ReplyDelete食物唔算好罪惡喇,酒色財氣仲罪惡呢。
DeleteUS$49.99 可以在七間餐廳二十四小時內任食自助餐,雖然超低,但點食呀?頂多食兩餐
ReplyDelete我廿年前去過拉斯維加斯,依家一定變左好多啦
我就無本事一日食咁多餐喇。
Delete而家多咗好多新酒店,有好多仲起緊。
二十四小時內任食自助餐, 年輕人當然食得啦
ReplyDelete食到你驚為止。
Delete24小時任食,真係飽到嘔! 佢地後生仔應該幾食得既!
ReplyDelete後生仔可以咁食,但我食一餐都飽足一日喇。
DeleteJackie Green:
ReplyDelete~Las vegas 無去一陣就有新野!! 都唔知點解, 他們永遠都有工程進行.
~你自己有無玩兩手?
仲起緊好多酒店,夜晚條街真係好多人。
Delete無玩啦,我鍾意同朋友柴娃娃一齊顛架咋。
我N年前去覺得好多免費野架
ReplyDelete而家冇咁多喇,要賭錢至送俾你。
Delete