唔知點解我冇追劇集嘅習慣,記憶中以前睇過他來自江湖,亦睇過趙薇做小燕子嗰套,唔記得個名添,最近睇嘅都已經係幾年前嘅溏心風暴。二十年前仲有好多戲睇,差不多每晚放工都租隻鐳射碟返屋企睇戲,唔知香港而家仲有冇人拍戲嘅呢?
最近韓劇流行,乜都星星一番,攪到我心思思想睇添。
有朋友喺温哥華嚟玩,同佢去食飯,當然唔敢食中國餐,怕失禮嘛。揀咗去KTown 食韓國餐,我自已都好耐冇出城喇,好多餐廳都改哂,多咗好多韓式Cafe。
呢晚有燒烤拼盤,海鮮餅,人參雞湯,晚餐後去cafe飲番杯架啡,渡過一個星星晚上。
咁你追左星未呢^^睇完怕會食返餐炸雞啤酒啦..
ReplyDelete韓食既海鮮餅/蔥餅/泡菜餅, 必食.仲有幾廿碟既前菜,先係我既主菜^^
未開始追星呀。呢度都有好多韓國炸雞店,不過好貴,仲未食過。
Delete我都最鍾意啲前菜,有啲餐廳有時整啲特别嘢,幾正,仲有我呢度可以食完再叫佢攞多啲添。
前菜係可以任添架, 尤其係泡菜, 食到你夠..
Delete我依家睇緊最新既Hotel King...就係好耐前大話妹果男女主角再合作既..都幾好.
我唔太鍾意韓劇,成日喊既!
ReplyDelete係呀?咁我要唸過先嘞。
Delete個menu有中文o既??
ReplyDelete唔止個餐牌,好多韓國餐廳都有講中文嘅亞珠媽架。
Delete我對韓劇真係怕怕, 如果唔知, 真係以為韓國係世界上最多人患癌既國家
ReplyDelete係咪套套劇都係咁呀?
Delete喺歐洲咁多古老宏偉聖堂,目不暇給。
ReplyDelete喂喂,你搭錯線啦 Lala, 哈哈!
Delete我的有朋友來英國玩,我真係唔敢帶佢地食中國餐 (亞洲餐),我地果D更加失禮呀。
ReplyDelete英國仲難攪,無乜選擇仲要貴添。
Delete條街名叫Korea Way, 好型仔呀!
ReplyDelete我鍾意食殘廢餐,點餐時要求廚房燒埋先上枱,因為怕成身BBQ"除"!
成條街都係韓國舖,好似去咗首爾咁。
Delete咁嘥呀你,喺面前燒燒吓至好玩嘛。
Jackie Green:
ReplyDelete~韓國移民越來越多, 十幾年前, 都唔覺外國有咁多韓國人. 係依十幾年真係多咗韓國人移居. 所以, 韓國食舖係外國都多咗好多!! 碗人參雞湯, 好似幾足料!!
~有朋自遠方黎, 你帶朋友去邊度玩, 都會喜歡. 係真架!!
廾幾年前去洛杉機,至知道咁多韓國人住喺美國,我呢邊都唔少韓國人架。
Delete人参雞湯,雞裏面釀咗糯米,幾好味。
韓劇劇本好,演員都是俊男美女,懂得演戲,是很吸引的。
ReplyDelete但我現在少煲韓劇,因為一開始看就停不了,非常打亂生活節奏,不開伙、叫外賣、亂吃零食,太墮落了 (T__T)
唸起追劇灘喺張梳化度個樣就係你所講嘅一樣,耐唔耐咁都幾好噃 :-D
Delete我都已經好耐無追劇, 根本無時間, 有時間都用嚟瞓覺好過, 年紀大咗唔捱得夜呀.
ReplyDelete你囝囝咁細,仲有排忙,真係有時間休息吓好過。
Delete咁妳開始睇未呀?
ReplyDelete仲未呀,唸緊好唔好去gym或者番工食晏時睇。
Delete我冇乜興趣同時間追劇。乜而家響美國食唐餐都會失禮架?
ReplyDelete我哋想搵間企理啲中餐廳都無架,除非係鬼佬fusion咁啦,請人食飯梗係想去間坐得舒服啲嘅,尤其朋友喺温哥華嚟,佢哋啲唐餐水準好高,我哋啲冇得比架。
Delete我依家晚晚都睇,有時睇綜藝,有時煲劇。依家韓劇基本上無哂患絕症勁喊嗰啲題材架喇,十年前或者有。
ReplyDelete綜藝都有架?都好噃,唔駛煲劇咁困身。
Delete我睇哂啦...追左一排,哈哈,而家無野睇,好失落
ReplyDelete你咁忙都睇晒,真叻叻。
Delete