偷得浮生

呢日同朋友去Costco行吓街，週末嚟呢度係水泄不通，我哋閒日嚟就可以慢慢睇吓呢樣，睇吓嗰樣。Costco係大型貨倉，樣樣貨品都好大份，價錢相對便宜，不過呢度行會員制，每年要俾會費，我以前入過會，但我哋一家三口，點用得咁多嘢，後來都冇再入會，如果我想嚟，就約埋係會員嘅朋友嚟就得喇，我好多朋友都鐘意嚟呢度架。

呢度乜都有得賣，好多時仲有新貨介紹，係好吸引人，次次入到嚟，就算點忍手，點都會買到一二百蚊嘅嘢，如果唔忍手，都唔知點算，真係乜都有，睇吓萬萬聲嘅鑽石都係隨便放喺度咋。

下星期係 St Patrick's Day, 有好多應節食品，我就買咗 corned beef, 好易整架。

行完街，去咗食鐵板燒，佢哋鍾意玩吓火，或者用洋葱整火山，細路睇見就最開心。我同朋友就至在傾吓講吓，渡過愉快嘅一日。