大魚小魚

細路仔時最鍾意過年，仲記得有一隻蝴蝶夾，好似海綿質地嘅，鍾意到不得了，亞媽買咗一隻俾我，開心嘅程度肯定遠遠超過我長大後收到嘅鑽石首飾。

仲有幾日就過年，雖然呢度無過年嘅氣氛，但我呢幾年都有整啲蘿白糕，年糕送俾朋友，多謝好多網友無私分享食譜，等我都整得出幾似樣嘅各種糕點，加埋喺香港帶返嚟包裝，送出去時都好得體架。

今年唔整咁多喇，過兩日返香港，再買啲新模具返嚟再玩過。