織冷衫

第一份工喺中環返工，有幾個女同事鍾意織冷衫，我又跟住玩。依稀記得間毛冷公司叫做美通，織一件衫都好貴，又要買冷，又要買針同埋紙樣，不過織咗出嚟係好開心嘅。離開咗間公司之後就無再玩織冷衫，直到個仔出世，就織咗一件咁大把。我哋屋企無舊物，不過呢件衫仔就有留低。

早排搬屋揾到啲織針，心郁郁想織番一件添。