韓風

屋企附近最近開咗間韓國連鎖超市，生意非常好，週末更人頭湧湧。我覺得同一連鎖超市，呢間比其他店更好生意係因爲佢好多示範試食，連三文魚生都有試食，呢日我就見到個强國女，用支牙簽一件一件咁串起嚟食，食完一串再串過。連强國人都啥强國超市唔去而嚟呢度，所以咁好生意囉。

超市裏面仲有快餐部，又有 Paris Baguette 賣韓式超靚麵包糕點，我都嚟幫襯吓先，馬卡龍唔係太甜，綠茶味最正。

呢排多咗食韓國嘢，係因爲好快就要搬離皇后區，以後要食韓國餐，就要揸車返嚟，趁仲未搬之前，食多佢兩餐先。