聖誕大餐

以前做細路仔時過聖誕好熱鬧，忙住交換聖誕卡，屋企雖然細到不得了，但就會將縐紙掛到一屋都係，又將聖誕卡串起嚟。印象中無聖誕禮物收，但攪啲佈置都夠哂興奮啦。

聖誕大餐係睇報紙見到，從來未食過。再大個啲就整香腸菠蘿，已經係我啲嘅西餐喇！

住係呢度都唔見有聖誕大餐，多數人都喺屋企煮。噚晚平安夜，我哋去完燭光崇拜就一齊去同樂軒食晚飯，黑班兩食，個湯好甜，糯米飯大蟹都唔錯。西式嘅聖誕大餐，都係要自已喺屋企煮嘞。